Ласкавым сонейкам 22 чэрвеня сустрэла дзяцей другая змена “Дзіцячага аздараўленчага лагера “Купалінка”.

Усе 18 дзён праляцелі, як адно імгненне. Больш за 120 дзяцей з Горацкага, Дрыбінскага і Шклоўскага раёнаў сталі сапраўднымі сябрамі лагера. Змена прайшла пад назвай “Чароўны востраў”. Шмат цікавых падзей адбылося за гэтыя дні. Да дзяцей прыязджалі прадстаўнікі дзяржаўнай аўтаінспекцыі, РАНС і РАУС, якія

праводзілі розныя пазнавальныя гульні, бяседы, кіналекторыі, прафілактычныя  мерапрыемствы, накіраваныя на забеспячэнне захаванасці жыцця, здароў’я дзяцей і падлеткаў.

Заезд дзяцей прыйшоўся на трагічную дату, у гэты дзень пачалася Вялікая Айчынная вайна, таму ўсе супрацоўнікі лагера разам з дзяцьмі ўшанавалі памяць удзельнікаў жудасных падзей хвілінай маўчання.

На працягу другой змены адбылося некалькі падзей, якія “Купалінка” адсвяткавала с задавальненнем.

26 чэрвеня ў дзень, які прайшоў пад назвай “Званы памяці”, у лагеры прайшлі мерапрыемствы да Дня вызвалення Горацкага раёна ад нямецка-фашысцкіх захопнікаў. У Дзень моладзі, 28 чэрвеня, праводзіўся “Еўрафэст па-купалінску”, дзе наша таленавітая моладзь дэманстравала свае цудоўныя песні, танцы і творчыя нумары. У Дзень Незалежнасці Рэспублікі Беларусь хлопцы і дзяўчынкі малявалі на асфальце. Усе мастакі выбралі патрыятычную тэматыку. У “Дзень традыцый”, які прайшоў 6 ліпеня, жыхары

“Чароўнага вострава” прынялі ўдзел у святкаванні “Купалля”.

Цэлы дзень гучала народная музыка, дзеці стваралі нацыянальныя касцюмы і танцавалі традыцыйныя танцы. Аддзел адукацыі, спорту і турызму правёў маштабныя работы па падрыхтоўцы новай пляцоўкі для аздараўлення дзяцей.

З 13 ліпеня трэцяя змена “Дзіцячага аздараўленчага лагера “Купалінка” гасцінна адчыніла свае дзверы на базе Шышаўскай сярэдняй школы”.

Наталля ЧАБАТАРЭЎСКАЯ, кіраўнік 2 змены “Дзіцячага аздараўленчага лагера «Купалінка».

”.