9 верасня 2023 года  ў г. п. Краснаполле адбылося  V Рэгіянальнае свята  паэзіі «Вянок Аляксею Пысіну». У 2023 годзе яно прысвечана Году міру і стварэння і 105-годдзю Краснапольскай цэнтральнай раённай бібліятэкі  імя М. Ткачова.

У межах свята прайшоў конкурс аўтарскіх вершаў пад назвай «Малой Радзіме прысвячаю…».  Ён  праводзіўся ў трох намінацыях: «Аляксею Васільевічу Пысіну прысвячаю…», «Ганаруся малой Радзімай сваёй…», «Вольная тэма». У конкурсе прынялі ўдзел 26 паэтаў з Краснапольскага, Касцюковіцкага, Горацкага, Слаўгарадскага, Дрыбінскага, Клімавіцкага і Крычаўскага раёнаў Магілёўскай вобласці.

Горацкія паэты, члены народнага літаратурнага аб’яднання «Роднае слова» Валянціна Мажугіна і Таццяна Гаўрыленка ўзнагароджаны дыпломамі I і  II ступені. У Валянціны Мажугінай дыпломы I ступені ў намінацыях «Ганаруся малой Радзімай сваёй…» (за верш «Бацькоўская хаціна») і «Вольная тэма» (за верш «Рассвет проснулся золотой…», у Таццяны Гаўрыленка – II ступені ў намінацыі «Вольная тэма» (за верш «Мои друзья»).

Віншуем нашых аўтараў з  добрымі вынікамі і жадаем новых творчых дасягненняў.