Убачыў свет сёмы калектыўны зборнік “Акадэмічны вянок”. На прэзентацыю, якая прайшла 4 лістапада ў канферэнц-зале БДСГА, сабраліся аўтары твораў, героі нарысаў, студэнты і чытачы.

Як адзначыў у пачатку сустрэчы кіраўнік народнага аматарскага літаратурнага аб’яднання “Парнас” Андрэй Пугач, зборнік прысвечаны 180-годдзю Беларускай дзяржаўнай сельскагаспадарчай акадэміі і 75-годдзю Перамогі ў Вялікай Айчыннай вайне.

Вітаў прысутных прарэктар па выхаваўчай рабоце Максім Патапенка. Ён сказаў шмат цёплых слоў у адрас аўтараў твораў. А сярод іх — выкладчыкі, супрацоўнікі, аспіранты, студэнты, выпускнікі і ветэраны працы навучальнай установы. Дарэчы, усяго аўтараў — больш за 60.

Сустрэча атрымалася цёплай і эмацыянальнай. Гучалі пажаданні, песні, вершы, пісьмы з фронту ў суправаджэнні фота- і відэапрэзентацый.

Больш падрабязна пра прэзентацыю зборніка чытайце ў адным з нумароў “Горацкага весніка”.

Валерыя ДРАЗДОЎСКАЯ
Фота Міхаіла ЛЯЎЦОВА