Проект «80 мирных лет» рассказывает, о чем писала газета в 1966 году
153 нумары газеты «Ленінскі шлях» выйшла за 1966 год
● У першым нумары надрукаваны “Рапарты працоўных перамог” з прадпрыемстваў і арганізацый раёна, іх мінулагоднія дасягненні. У рубрыцы “Лічбы і факты” – аб тым, што раён выканаў планы продажу збожжа на 126%, ільнасемя – на 191%, валакна – на 134%, бульбы – на 103%, малака – на 129%, мяса – на 108%. Надой малака ад каровы склаў 2198 кг. У прайшоўшым годзе пабудавана і ўведзена ў строй 9 пачатковых школ. Пабудавана 4 бальніцы і фельчарска-акушэрскіх пунктаў, 23 грамадскія лазні, 250 жылых дамоў. У раёне атрымліваюць пенсіі 16800 чалавек.
● Газеты з № 39 ад 29 сакавіка па № 44 ад 12 красавіка прысвечаны ХХІІІ з’езду КПСС. На развароце першага з іх надрукаваны матэрыялы пад агульным загалоўкам ”Наша праца, мары і думкі – табе, партыйны з’езд!” У ліку артыкулаў – інфармацыя аб працоўных поспехах жывёлаводаў калгаса “Копцеўскі”. У ліку лепшых – майстры адкорму Іван Гарбылёў, Захар Цюцюноў, Паліна Лёўкіна, Іван Рыжанкоў, чые фотаздымкі размешчаны на старонцы 3.
● У № 54 ад 8 мая надрукаваны матэрыялы да свята Вялікай Перамогі, некалькі артыкулаў пра ўдзельнікаў вайны. На старонцы 3 – матэрыял журналіста С. Сідарава, таксама франтавіка, пра афіцэра запасу Пятра Кузьміча Нікіціна, дайшоўшага да Берліна.
● Пра тое, што работнік гандлю магазіна вёскі Хамінічы Зінаіда Лукінічна Лютко за добрасумленную працу ўзнагароджана Граматай Вярхоўнага Савета БССР і нагрудным знакам “Отличник советской торговли” гаворыцца ў артыкуле “Выдатнік савецкага гандлю”, які надрукаваны ў № 78 ад 5 ліпеня.
● На першай староцы № 105 ад 6 верасня – фотаздымак і матэрыял пра руплівую цялятніцу калгаса “Шлях Леніна” Вольгу Афанасаўну Казіміраву з медалем “За працоўную адзнаку”, якім яна ўзнагароджана за паспяховую працу. Маладняк цялят у яе групе прыбаўляе за суткі па 750-800 г., а бываюць месяцы, што і звыш 1000 г.
● Таксама пра выдатныя поспехі працаўнікоў адзін з артыкулаў у № 135 ад 17 лістапада. Ільнавод калгаса “Запаветы Ільіча” Надзея Іосіфаўна Каралькова, якая адзначана ўрадавай узнагародай – ордэнам “Знак пашаны”, цяпер атрымала нагрудны знак “Выдатнік сацыялістычнай сельскай гаспадаркі”.
Падрыхтавала Галіна КАЖЭЎНІКАВА
