Штогод тонкі лёд становіцца прычынай гібелі людзей. Нярэдка сярод загінуўшых аказваюцца дзеці, якія гуляюць паблізу вадаёмаў без нагляду бацькоў, і рыбакі, якія выходзяць на нетрывалы лёд. Каб не стаць заложнікам сезоннай небяспекі, трэба выконваць важныя правілы бяспекі

Што трэба ведаць? Так, бяспечным для чалавека лічыцца лёд таўшчынёй не менш за 7 см. Пры тэмпературы вышэй за 0ºС больш за тры дні трываласць пакрыцця памяншаецца на 25%. Лёд саслаблены ў вусцях і прытоках рэк, месцах хуткай плыні, ключоў, сцёкавых вод, раёнах вырастання воднай расліннасці, дрэў, кустоў і чароту.

Трываласць лёду можна вызначыць візуальна. Так, блакітнага колеру добры. Трываласць белага ў 2 разы менш. А вось шэры лёд, матава-белы або з жаўтлявым адценнем ненадзейны.

Што рабіць, калі вы праваліліся ў ваду? Не панікуйце, не рабіце рэзкіх рухаў, стабілізуйце дыханне. Раскіньце рукі ў бакі і паспрабуйце ўчапіцца за абзу лёду, надаўшы целу гарызантальнае становішча па кірунку плыні. Паспрабуйце асцярожна налегчы грудзьмі на край і закінуць адну, а затым другую нагу на лёд. Калі ён вытрымаў, перакочваючыся, павольна паўзіце да берага ў той бок, адкуль прыйшлі, бо тут лёд ужо правераны на трываласць.

Пераканаўчая просьба бацькам: не адпускайце дзяцей на лёд без нагляду!

Горацкі РАНС