Мінулы тыдзень у Беларусі праходзіў пад знакам роднай мовы “Як ты дорага мне, мая родная мова!” Шэраг тэматычных мерапрыемстваў правялі ў кожнай установе адукацыі, у тым ліку і ў Горацкім раёне.

Першае мерапрыемства, у якім прынялі ўдзел навучэнцы ўсёй краіны, — рэспубліканскі дыктант. Ён быў прымеркаваны да Дня народнага адзінства.

Карэспандэнты наведалі сярэднюю школу № 2, калі там праходзіла сустрэча вучняў 9-10 класаў з горацкім паэтам, удзельнікам народнага літаратурнага аб’яднання “Роднае слова” і народнага аўтэнтычнага фальклорнага ансамбля “Паршынскія зоры” Аляксандрам Ведзянеевым. Урок быў у форме дыялогу.

Вучні цікавіліся літаратурнай дзейнасцю паэта. Дарэчы, з-пад яго пяра выйшла ўжо тры зборнікі. Аляксандр Ведзянееў расказаў пра адносіны да беларускай літаратуры, чытаў свае творы патрыятычнай і духоўнай тэматыкі, пра Радзіму, маці і прыроду.

Валерыя ДРАЗДОЎСКАЯ
Фото Міхаіла ЛЯЎЦОВА